За подготовка на овој рецепт се потребни помалку од 5 часа

1. Свинските нозе заедно со коските измијте ги во неколку води. Ставете ги во голем лонец да се варат, а кога водата ќе зоврие додајте сол.
2. По 1/2 час варење, додајте ги другите зачини, исечканиот морков, 3-4 чешниња лук, исечканиот целер и магдонос.
3. Варете 4 до 5 часа, додека месото не биде целосно меко. Проверете дали е готово и со помош на вилушката боцнете го месото – ако самото се дели од коската значи дека е готово.
4. Чорбата процедете ја и претурете ја во чинија, месото одделете го од коската и исечкајте го на ситно, наредете го во процедената супа, додајте 1 чешне истолчен лук, сол и бибер и оставете ја пачата на ладно место за да се желира.
5. Исечете на коцки и послужете.