За овој рецепт се потребни помалку од 45 минути

1. Измијте ги шницлите (употребете 4 многу тенки свински шницли), посолете ги и попиперете ги.
2. Лукот излупете го и изгмечете го, па измешајте го со крем сирењето. Шницлите премачкајте ги со сенфот, па со лукот и крем сирењето.
3. Празот измијте го и исчистете го. Пресечете го по должина, така што листовите ќе му останат долги. Варете ги во врела посолена вода околу 3 минути, па оставете ги да се исцедат, оладат и исушат.
4. Раширете 4 листа праз и врз секој од нив ставете по една шницла со еднаква широчина, па завиткајте ги во ролати, кои ќе ги зацврстите со конец.
5. Потоа ролатите распоредете ги во поголем плиток лонец. Останатиот праз ситно исечкајте го и додајте го на ролатите заедно со маргаринот, павлаката и со карито.
6. Поклопете го лонецот и пржете 20-25 минути. Сосот од празот сипете го во чинии, па одозгора распоредете ги ролатите.