За подготовка на овој рецепт се потребни помалку од 40 минути

1. Свинското филе засечете го по должина, чукнете го со дрвен чук, посолете го и забиберете го.
2. Отстранете ги семките на сувите сливи, а потоа наредете ги во средина на месото. Завиткајте го месото во ролат, зацврстете го со чепкалка и повторно посолете го.
3. Во тава на оган ставете малку масло да се загрее и потоа пржете ги свинските ролати од двете страни. Во тавата додајте ги останатите суви сливи, ракијата, белото вино, покријте со капак и оставете да се динста на умерена температура. Тргнете го месото во чинија настрана кога ќе биде готово.
4. Во тавата каде што се пржеше месото, додајте хопла, павлака, сол, бибер и промешајте. Оставете ја тавата настрана и покријте ја со капак.
5. Во тенџере зовријте вода и ставете ја брокулата да се обари, а потоа пржете ја во тава со путер.
6. Месото ставете го на чинија за послужување, прелијте го со сосот од тавата, како гарнир послужете ја брокулата и уживајте.