За овој рецепт се потребни помалку од 3 часа

1. Месото исечете го на кременадли, посолете го и наредете го врз тепсија за печење.
2. Одозгора кременадлите зачинете ги со бибер и вегета, прелијте ги со виното и со водата и тепсијата убаво завиткајте ја во алуминиумска фолија.
3. Печете го месото 2 часа во рерна, потоа откријте ја фолијата и печете го месото додека зарумени.
4. Извадете ги испечените кременадли во друг сад, а во истата тепсија ставете ги исчистените и преполовени млади компири. Тепсијата повторно покријте ја со фолијата и ставете ги компирите да се печат.
5. По 20-тина минути отстранете ја фолијата, измешајте ги компирите и продолжете со печењето.
6. Десетина минути пред да бидат готови компирите, вратете ги парчињата месо во тепсијата, одозгора компирите наросете ги со многу ситно сечкан магдонос и допечете ги заедно.
7. Сервирајте ги компирите и месото додека се топли.