За овој рецепт се потребни помалку од 2 часа

ФИЛ:

1. Дуњите измијте ги, преполовете ги и извадете им ги дршките и семките. Потоа исечете ги на парчиња и ставете ги во тенџере со 350 милилитри вода. Покријте со капак и варете 1 час додека дуњите омекнат и ја променат бојата.
2. Сварените дуњи оставете ги малку да се подоладат, а потоа изблендирајте ги како пире.
3. Пирето од дуњи ставете го во тава на оган, додајте 175 грама шеќер, рендана кора и свежо исцеден сок од половина лимон и цимет.
4. Гответе со повремено мешање додека смесата се намали 1/3, па потоа додајте го пченкарниот скроб помешан со малку вода и мешајте додека смесата се згусне. Тргнете од оган и оставете да се олади.

ТЕСТО:

1. Измешајте 140 грама омекнат путер, исечен на парчиња со 200 грама брашно и мелените бадеми. Промешајте убаво и додајте 75 грама шеќер, рендана кора од еден лимон, промешајте повторно и додајте едно јајце и една жолчка од јајце.
2. Од состојките замесете тесто, завиткајте го како ролат и оставете го да отстои 15-тина минути.
3. Тестото расукајте го на малку набрашнета површина во форма на круг со големина од 22 сантиметри.
4. Расуканото тесто ставете го во кружен сад за печење, превиткајте ги краевите ако е потребно и оставете да отстои уште 15 минути.
5. Потоа врз садот со тестото ставете хартија за печење и врз хартијата на креавите наредете зрна грав за да се оформи тартот и ставете го да се пече 20 минути во претходно загреана рерна на 160°C. Извадете од рерна, тргнете ги зрната грав и печете уште 15 минути додека површината стане крцкава. Оставете да се подолади.

ФИЛ ОД ОВЕСНИ СНЕГУЛКИ:

1. Зголемете ја температурата на 180°C.
2. Измешајте 100 грама брашно, овесни снегулки и 75 грама шеќер. Додајте сосема малку сол, измешајте и потоа додајте 140 грама омекнат путер, исечен на парчиња.
3. Измешајте ја убаво смесата додека сите состојки се соединат.

ФИНАЛНА ПОСТАПКА:

1. Потпечениот тарт извадете го на работната површина, додајте го пирето од дуња, убаво израмнете и потоа наросете од филот со овесни снегулки.
2. Печете го во загреаната рерна околу 25-30 минути, односно додека површината стане златнокафена.
3. Пресечете го тартот на парчиња и сервирајте го топол со крем или со шлаг по желба.