За овој рецепт се потребни помалку од 90 минути

1. Исчистете го младиот кромид и исечете го на парчиња долги 2-3 см.
2. Компирите измијте ги, излупете ги и ставете ги да стојат во ладна вода за да не потемнат.
3. Јагнешкото месо исечете го на парчиња и зачинете ги со сол и бибер.
4. Ставете 5 лажици масло во еден огноотпорен сад, на дното распоредете ги младиот кромид и компирите, па додајте ги рузмаринот, листовите жалфија и ловор. Покријте ги со парчињата месо. Завршете со останатите компири и кромид и полијте ги со 3 лажици масло и бибер.
5. Печете го месото 50 минути во рерна на 160 степени. Потоа зголемете ја температурата на 220 степени и печете го уште 10 минути за да заруменат сите состојки. Доколку е потребно, за време на печењето додајте неколку лажици топла вода.
6. Извадете ја тавата од рерна, оставете ја да отстои неколку минути, промешајте и сервирајте.