За овој рецепт се потребни помалку од 90 минути

1. Пилешките гради се сечат на коцки, се сечкаат и сланината и печурките, а кашкавалот се ренда.
2. Крем супата од печурки се вари со 500 мл вода, се лади и се додава павлака, па се мати со миксер за да се добие густ сос.
3. Во тава се става половина од исечканото месо, врз него се става половина од сланината, половина од печурките и половина од кашкавалот. Се распоредуваат, се става половина од сосот и со лажица се размачкува насекаде.
4. Врз првиот ред се распоредува преостанатото месо, па се редат сланината, печурките, кашкавалот и над нив се истура преостанатиот сос.
5. Тавата се покрива со алуминиумска фолија и се пече 1 час на 250 степени. Потоа се вади фолијата и се пече додека да зарумени.