За овој рецепт се потребни помалку од 100 минути

1. Телешкото месо се бланишира со врела вода, се суши со салфета, се посолува и се става во сад за печење. Се посипува со врелата маст и со ким.
2. Се пече на умерена температура еден час и по потреба се додава малку вода и маст. Потребно е убаво да се зацрвени.
3. Кога месото ќе се испече, се чисти од кимот, а во сокот во кој се печело се додава 1 лажица вода.
4. Потоа сокот се процедува и се вари додека да испари целата вода.
5. Месото се чисти од коските, се сече на парчиња, се враќа во процедениот сок и се додава 100 грама павлака и се остава уште малку да се провари.
6. Потоа месото се вади, се сервира на чинија, се посипува со сокот, се декорира со магдонос и се служи.