За овој рецепт се потребни помалку од 60 минути

Пандишпан:

1. Пет белки ги ставаме во сад заедно со 5 лажици шеќер и прашакот за печиво и матиме со миксер.
2. Додаваме 5 лажици брашно и повторно матиме, па смесата ја ставаме во округла тава за печење и печеме 20 минути на 250 степени.

Фил:

1. Две жолчки ги матиме со 2 лажици шеќер. Додаваме 2 лажици брашно и повторно матиме.
2. Млекото го ставаме во тенџере на оган да зоврие. Откако ќе зоврие, во него се додава претходната смеса со жолчки. Се вари на тивок оган додека да се згусне, со постојано мешање. Тргаме од оган и оставаме да се излади.
3. Две белки ги матиме, ги пасираме бананите, а бисквитите ги кршиме.
4. Откако претходната смеса со млекото ќе се излади, ги додаваме изматените белки и бананите и матиме.
5. Потоа ги додаваме и бисквитите и чоколадните трошки и мешаме со лажица.

Финална постапка:

1. Испечената кора ја делиме на два дела.

2. Првиот дел го ставаме на чинија за торта и го полеваме со млеко.

3. Ставаме од филот на тортата. Потоа редиме кругови банана.

4. Вториот дел од тортата го полеваме со млеко и го ставаме врз редот банани на чинијата за торта.

5. Целата торта ја премачкуваме со филот.

6. Ја матиме шлаг пената врз филот премачкуваме од шлагот и украсуваме со кругови банана.