За овој рецепт се потребни помалку од 80 минути

Пандишпан

1. Во тенџере на оган растопете ги путерот и чоколадото искршено на парчиња.
2. Во сад за матење со миксер изматете ги јајцата. Додајте го шеќерот и матете додека се растопи.
3. Додајте го брашното во садот со јајцата, потоа и ванилиниот шеќер, густинот и изладената чоколада. Мешајте со лажица додека смесата се соедини.
4. Смесата ставете ја во тркалезен калап обложен со хартија за печење, па ставете го калапот во рерна и печете 30 минути на 180°C.
5. Печениот пандишпан исечете го на 2 еднакви дела.

Пудинг од вишни

1. Во тенџере на оган ставете ги вишните од компот (претходно излупени од семките), 150 мл сок од компот од вишни и шеќерот.
2. Густинот размешајте го со останатите 100 мл сок од компот, па додајте го во зовриената смеса од тенџерето и мешајте со жица додека пудингот ја добие потребната густина.

Фил

1. Во тенџере на оган растопете 150 г млечна чоколада искршена на парчиња.
2. Желатинот размешајте го со 50 мл вода.
3. Во тенџере на оган ставете 70 мл вода. Додајте го набабрениот желатин и мешајте додека да се растопи.
4. Во сад за матење изматете ја слатката павлака со миксер, додајте ги крем сирењето и шеќерот во прав и матете додека смесата се соедини. Додајте го во смесата изладениот желатин и мешајте со лажица.
5. Смесата поделете ја на 2 еднакви дела: во првиот дел измешајте ја топената чоколада, во вториот дел 20 мл сок од компот.

Финална постапка

1. Првиот пандишпан попрскајте го со 5-6 лажици сок од компот. На чинијата за торта ставете го страничниот дел од калапот за печење.
2. Пандишпанот намачкајте го со пудингот со вишни, па врз него фил од чоколадо, па потоа филот со сокот од вишни.
3. Покријте со втората кора пандишпан, попрскајте ја со3-4 лажици сок од компот и врз неа изрендајте чоколадо.