За овој рецепт се потребни помалку од 40 минути

1. Во среден сад ставете 1 чаша млеко со 3/4 чаши оризово брашно и добро промешајте ги со жица за матење. Постепено, мешајќи додавајте 1/4 нишесте. Мешајте добро за да нема грутки и додека смесата стане густа и кремаста.
2. Во големо тенџере на умерен-силен оган ставете 6 чаши млеко и 1 чаша шеќер. Мешајте додека шеќерот се растопи и оставете смесата да зоврие, но не премногу. Важно е да се меша постојано.
3.  Откако смесата малку ќе зоврие, додајте го ванила екстрактот и мешајте. Пополека додавајте ја смесата од брашно и нишесте со непрекинато мешање додека смесата се згусне.
4. Мешајте околу 1-2 минути, па тргнете од оган. Покријте со проѕирна фолија и оставете настрана.
5. Намастете тава со маргаринот, со лажица внимателно додавајте го шеќерот во прав низ целата тава. Површината на тавата треба целосно да биде покриена со тенок слој на шеќер во прав (3 мм).
6. Ставете ја тавата со маргаринот и шеќерот на рингла на умерен кон силен оган и оставете додека да почнат да се прават меурчиња на површината (да почне да се карамелизира).
7. Откако шеќерот ќе добие темна боја, прелијте 1/3 од пудингот и убаво распоредете слој во тавата ( со дебелина од 6мм). Веднаш намалете го огнот и оставете ги шеќерот и пудингот заедно да зовријат.
8. Кога ќе почне смесата да зоврива и да се појавуваат балончиња на површината, исклучете го огнот и оставете ја смесата да се олади 5 минути.
9. Потоа внимателно прелијте го останатиот пудинг во тавата и убаво изедначете го низ целата површина. Оставете да се олади, покријте со фолија и ставете го пудингот во фрижидер преку ноќ.
10. Утредента превртете го пудингот врз голема чинија, исечете го на коцки и сервирајте го.