За овој рецепт се потребни помалку од 100 минути

1. Рибата (крап, сом, кострец), претходно исчистена од крлушките и утробата и добро измиена (се оставаат само млечта и икрата од неа), се сече на средни парчиња и се посолува.
2. Пиперката, доматот и кромидот се сечкаат на мали парчиња.
3. Главите и парчињата риба се варат со кромидот во лонец со доволно вода, им се додава црвен пипер и се остава садот на тивок оган уште еден час.
4. Се цеди супата и се става во друг сад заедно со варените парчиња риба.
5. Се додаваат икрата, млечот, потоа исечканиот домат и пиперката и се вари на прилично силен оган уште 20 минути. Супата не се меша, само се занишува тенџерето од двете страни.
6. Подготвената риба се служи со парчиња риба и икра и се гарнира со зелена пиперка. Со рибјата супа секогаш одделно или заедно се служат свежи или лути пиперки и печен бел леб.
7. Супата е повкусна доколку чорбата се подготвува од помали, помалку познати видови риба. Таа е вкусна и ако се прави со еден вид, но е многу повкусна доколку се направи со неколку различни видови риба. Обично по халасле супата се служат како главно јадење тестенини со сирење, кисела павлака и пржена сланина.