За овој рецепт се потребни помалку од 70 минути

1. Исчистете го и исечкајте го кромидот на ситни коцки. Истото сторете го и со морковите.
2. Ставете го прво кромидот во еден сад на загреано масло да се пржи. Додајте малку сол, промешајте и додајте ги морковите. Пржете додека да омекне морковот.
3. Потоа додајте ги шампињоните крупно сечкани и пржете ги додека да испари водата.
4. За тоа време исечкајте го месото на коцки.
5. Кога ќе биде готов морковот, додајте ги прво јунешкото месо и пржете го кратко. Потоа додајте го свинското месо и на крај пилешкото како најмеко месо. Динстајте на средна температура додека да омекне месото.
6. Додајте ги сечканите кисели краставички, промешајте, зачинете со сол и бибер и префрлете ја смесата во земјена тава.
7. Брашното испржете го кратко на малку масло. Додајте му црвен пипер и запржете го месото во тавата, па ставете го да се пече во рерна загреана на 200 степени.