За подготовка на овој рецепт се потребни помалку од 45 минути

1. Во средна тава на умерен оган, загрејте 30 милилитри маслиново масло и пропржете ги исечканиот црвен кромид, другиот кромид, исечканите пиперки и маслинките. Пржете со постојано мешање додека зеленчуците не омекнат.
2. Така подготвениот зеленчук, измешајте го со сварениот грав и наутот. Додајте го јајцето и овесните снегулки, а потоа убаво испасирајте ја смесата.
3. Додајте ги сечканиот магдонос и зачините, убаво со дланките измешајте ја смесата и формирајте 4 плескавици. Ставете ги во чинија, покријте ги и оставете ги да отстојат во фрижидер 30 минути.
4. Во тава на оган додајте го остатокот од маслото и пржете ги плескавиците по 2-3 минути од двете страни.
5. Ставете ја готовата плескавица во бургер леб и послужете со свежа сезонска салата и чаша пиво.