За овој рецепт се потребни помалку од 60 минути

1. Се матат јајцата со шеќерот и со ванилиниот шеќер, потоа им се додава маслото и млекото. Се промешува, па се додава брашното помешано со печивото и со мелените бадеми.
2. На крајот се додаваат и сувото грозје (попарено со топла вода и исцедено) и кората од лимон и портокал.
3. Смесата се дели на два дела. Во едниот дел се става какаото, помешано со неколку капки вода за да нема грутчиња.
4. Во подлабок, тркалезен сад бр. 26, премачкан со масло и посипан со брашно, на средината во садот се ставаат по 4 супени лажици, прво од едната смеса, па од другата смеса, водејќи сметка секогаш да се ставаат на средина, а самата смеса се разлева и прави идентични шарени кругови.

5. Откако ќе се потрошат двете смеси, колачот се става во загреана рерна и се пече на 180 степени околу 40 минути.

6. Откако ќе се испече колачот, се остава 10 минути да се излади и се вади на чинија до целосно ладење.