За овој рецепт се потребни помалку од 120 минути

1 пандишпан

1. Изматете ги пенасто со миксер јајцата и шеќерот додека шеќерот се растопи.
2. Додајте ги мелените ореви, брашното, ренданото чоколадо и какаото.
3. Смесата префрлете ја во тава за печење обложена со намастена хартија за печење.
4. Печете го првиот пандишпан во рерна на 180°C околу 30 минути.

2 пандишпан

1. Одделете ги жолчките од белките – белките изматете ги со миксер заедно со шеќерот додека ја добијат потребната цврстина. Жолчките се чуваат за филот.
2. Изматените белки измешајте ги со сечканите урми и суви сливи, брашното и сечканите ореви и мешајте додека смесата се соедини.
3. Печете во рерна на 180°C околу 20 минути.

Фил

1. Во тенџере на оган ставете 300 мл млеко и 6 лажици шеќер.
2. Пудингот додајте го со преостанатото млеко и мешајте со жица.
3. Потоа непрекинато мешајќи со жицата во зовриеното млеко во тенџерето на оган додајте го размешаниот пудинг и варете додека пудингот ја добие потребната густина.
4. Јајцето се меша со жолчките што ги тргнавте настрана кога се подготвуваше пандишпанот, додајте 200 г шеќер, ставете го садот на пареа, матете со миксер и варете додека кремот ја добие потребната густина.
5. Во друг сад со миксер пенасто изматете го маргаринот и измешајте го со двете претходно подготвени и изладени смеси.
6. Добиената смеса поделете ја на три дела – во првата смеса додајте ги мелените ореви, во вториот сад додајте го растопеното чоколадо (оладено), а во третата смеса испасираните банани.

Финална постапка

1. Пандишпаните исечете ги на половина по широчина.
2. На првата лента од првиот пандишпан нанесете го филот со мелени ореви.
3. Врз филот ставете ја првата лента од вториот пандишпан и премачкајте со филот од чоколадо.
4. Поклопете со пандишпан и премачкајте од филот со бананите.
5. Целата торта филувајте ја така додека да се потрошат состојките.
6. Одозгора декорирајте со чоколадо и со мелени ореви.