Овој рецепт се подготвува за помалку од 120 минути

1. Започнуваме со подготовка на пандишпанот.  Јајцата ги кршиме и ги делиме белките од жолчките. Ги матиме белките со миксер, го додаваме шеќерот и откако белките ќе ја добијат потребната цврстина го исклучуваме миксерот.
2. Потоа во садот ги додаваме брашното и мелените ореви и мешаме додека смесата не се соедини. Ја нанесуваме смесата во тава за печење обложена со хартија. Тавата ја ставаме во рерна, печеме 20 минути на 200 степени и ја вадиме од рерна.
3. Започнуваме со подготовка на првиот фил. Во тенџере на оган ставаме 1/2 од млекото и го додаваме шеќерот. Преостанатото млеко и брашното ги додаваме во садот со жолчките. Мешаме додека смесата не се соедини. Потоа непрекинато мешајќи со жица ја додаваме смесата во зовриеното млеко во тенџерето на оган.
4. Откако кремот ќе ја добие потребната густина го тргаме тенџерето од оган. Во длабок сад со миксер го матиме путерот додека не стане пенест. Го додаваме изладениот крем и матиме додека првиот фил не се соедини.
5. Започнуваме со подготовка на вториот фил. Во тенџере на оган го ставаме шеќерот и мешаме со лажица. Откако шеќерот ќе се карамелизира ги додаваме лешниците и промешуваме. Го ставаме грилијашот во тава за печење и оставаме да се излади. Со метален чук го кршиме на пачиња и го миксаме во блендер.
6. Во сад за матење со миксер ги матиме прашокот за шлаг и млекото додека шлагот на ја добие потребната цврстина. Во длабок сад ставаме 2/3 од изматениот шлаг и 2/3 од измиксаниот грилијаш. Мешаме со лажица додека вториот фил не се соедни.
7. Пандишпанот го вадиме од тавата и му ја отстрануваме хартијата. Го сечеме на 3 еднакви ленти по широчина. Првата лента пандишпан ја ставаме на  послужавник и ја премачкуваме прво со првиот, а потоа со вториот фил. Прекриваме со втората лента пандишпан и филуваме по истиот редослед. Ја ставаме третата лента пандишпан и целата торта ја премачкуваме со преостанатиот втор фил.
8. Преостанатиот шлаг го полниме во слаткарска ќеса и ја декорираме порната површина на тортата