Овој рецепт се подготвува за помалку од 50 минути

1. Стекот се сече на потенки парчиња и се чука со чекан за месо, така месото ќе биде посочно. Потоа се става во солена вода малку да се подвари.
2. Месото се вади од водата, се остава малку да се излади. Се потопува во претходно изматено јајце со сол и со вегета, потоа се валка во палента измешана со лебни ронки и со сусам па се реди во подмачкана тепсија.
3. Кога е нареден целиот стек во тепсијата, одозгора се попрскува со масло, се наросува со сушен магдонос и се става да се пече во рерна на 220 степени. Се пече додека добие убава боја.
4. Во тенџерето се ставаат масло и 5 лажици брашно и се пржи на тивок оган малку да потемни. Полека се додава млекото и истовремено се меша за да не се направат грутчиња од брашното. Се вари на тивок оган додека се постигне саканата густина. На крај се додаваат зачини по желба, а исто така може и ситно сечкани маслинки, рендани кисели краставички и печурки по желба.
5. Кога ќе биде готово месото, се сервира сосот, а по желба се додава свежа сезонска салата.