За овој рецепт се потребни помалку од 90 минути

1. Измешајте ги брашното, 75 г шеќер и прстофат сол. Додајте 125 г путер (ладен од фрижидер, исечен на коцки), 1 јајце и малку ладна вода, па замесете тврдо тесто.
2. Тестото завиткајте го во проѕирна фолија и оставете го да одмори половина час во фрижидер.
3. Сливите измијте ги, преполовете ги, извадете им ги семките и исечете ги на четвртинки.
4. Ставете ги во тенџере на оган, посипете ги со 100 г шеќер и 1 ќесичка ванилин шеќер и мешајте 30-тина минути додека вишокот течност испари.
5. Потоа додајте малку рум и цимет и гответе ги сливите уште 10 минути.
6. Ако користите овошје од компот, само исцедете го и додајте му ги зачините.
7. Тестото развлечете го и префрлете го во намастен калап за печење торти, со тоа што краевите да излегуваат на површината и да ги исечете.
8. Рамномерно распоредете го филот врз тестото и печете 25-30 минути во загреана рерна на 180 степени додека краевите на тестото благо заруменат.
9. Почекајте питата да се олади, па прелијте ја со чоколаден прелив од 150 г чоколадо растопено со 40 г путер и 2-3 лажици слатка павлака. Одозгора по желба наросете со јатки.