За подготовка на овој рецепт се потребни помалку од 100 минути

1. Во длабок сад се мешаат млако млеко, шеќер, сол, квасец, масло и јајца.
2. Убаво се промешува и се додаваат 10 лажици брашно и се остава квасецот да нарасне 5-10 минути.
3. Потоа се додава преостанатото брашно и се замесува меко тесто кое се дели на три еднакви топки.
4. Од секоја топка се расукува кора и се премачкува со маргарин. Потоа кората се преклопува неколку пати за да се добие лиснато тесто и се става во замрзнувач.
5. Постапката се повторува и со останатото тесто и се остава да отстои 30 минути.
6. Потоа од секоја топка повторно се засукува кора со големина колку плехот во кој ќе се пече питата и се става фил од претходно испржениот праз со урда.
7. Се расукува и втора кора и се става врз кората со фил и врз неа повторно се реди од филот. На крајот се расукува и третата кора и се поклопува врз филот од праз.
8. Вака добиеното тесто се премачкува со жолчка од јајце и се посипува со сусам.
9. Тестото се сече на ленти со широчина од 2 см, се виткаат во спирала и се редат една до друга во намастен плех. Откако ќе се наполни плехот, се остава да стаса 30 минути.
10. Питата се пече на 200°C, околу 25-30 минути.