За овој рецепт се потребни помалку од 40 минути

1. Сувото грозје, сувите смокви и урмите (свежи) потопете ги во ладна вода и оставете ги да отстојат најмалку 4 часа или уште подобро преку ноќ. Ова ќе ги омекне и полесно ќе ги сомелете. Може и сами да направите суви смокви ( рецепт: https://moemeni.mk/?cs_recepti=suvi-smokvi )
2. Утредента добро исцедете ги од водата, исчистете ги семките од урмите и добро изблендирајте ги да добиете хомогена кремаста смеса.
3. Бадемите (или ф’стаците) исечкајте ги и потпечете ги во тава (без масло) околу 5 минути на умерен оган.
4. Во вок тава загрејте малку масло, претурете ја смесата со сувото овошје и гответе на умерен оган 10-15 минути. Мешајте и гответе додека смесата се згусне.
5. Потоа додајте ги сечканите јатки и шеќерот, па гответе уште 10 минути. Смесата треба да се згусне како мека топка и да не се лепи на страните од вок тавата.
6. Извадете ја смесата од тавата и измешајте го екстрактот од ванила.
7. Огноотпорен четвртаст сад премачкајте го со масло или обложете го со хартија за печење, па распоредете ја смесата.
8. Колачот оставете го во фрижидер пред послужување, па потоа исечете го на коцки, посипете го со шеќер во прав и послужете.