За овој рецепт се потребни помалку од 80 минути

1. Кокошката се сече на парчиња и се вари.
2. Потоа откако ќе се свари, се двои месото од коските, па се пржи во малку масло.
3. И печурките се пропржуваат во малку масло, па откако ќе го наредите месото во тепсијата, одозгора се редат и печурките.
4. Одозгора се истура бешамел сосот што се подготвува на следниот начин: во тава се пржат 3 лажици брашно со масло, потоа се додаваат млекото и течноста од варената кокошка (2 дл).
5. Потоа се полева со павлака која убаво се распоредува.
6. Тепсијата се става во загреана рерна и се пече околу 15 минути додека течноста убаво се разлее.
7. Се вади тепсијата од рерна и се ренда одозгора кашкавал, па се враќа да се допече.
8. Јадењето е готово кога одозгора ќе биде убаво заруменето.