За овој рецепт се потребни помалку од 80 минути

1. Чаденото месо измијте го и исечете го на поголеми парчиња. Ставете го во тенџере со зовриена вода на оган.
2. Главицата кромид исечете ја на поголеми резанки, а магдоносот исечкајте го покрупно. Додајте ги во тенџерето и зачинете со сол, бибер и вегета.
3. Откако чаденото месо ќе омекне, извадете го од тенџерето и исечкајте го на ситни коцки.
4. Во тенџерето на оган додајте го доматното пире, сечканото чешне лук и доматот.
5. Откако парчињата домат ќе се сварат, содржината од тенџерето исцедете ја во цедалка врз друго тенџере. Тенџерето со процедената течност ставете го на оган.
6. Во друг длабок сад со жица за матење измешајте ги оцетот, киселата павлака, црвениот пипер и брашното додека да се соединат. Непрекинато мешајќи со жицата, додајте ја смесата во тенџерето на оган.
7. Додајте ги и парчињата чадено месо и промешајте. Варете додека чорбата ја добие потребната густина.