За овој рецепт се потребни помалку од 70 минути

1. Икрите се чистат од кожичката и се ставаат во длабока чинија со вода во која се додава една лажица оцет и се оставаат да отстојат половина час.
2. Во тенџере се става вода за супа да врие заедно со зеленчукот потребен за супа, па се додаваат биберот, лукот и ловорот.
3. Зеленчукот се вари додека омекне, а потоа се цеди водата.
4. Се прави запршка од 2 лажици брашно кои се пропржуваат на загреано масло во тава и се пржи додека добие жолтеникава боја. Во него се додава зеленчукот.
5. Потоа се додава и цедената супа со постојано мешање. Кога ќе зоврие, се додаваат икрите и се варат околу 30 минути.
6. На крајот чорбата се зачинува со кисела павлака, жолчка и сок од лимон.