За овој рецепт се потребни помалку од 70 минути + 3 часа за тестото

1. Брашното просејте го на работната површина. Направете вдлабнатина во средината и додајте го квасецот, претходно растопен во малку млака вода, 2 лажици шеќер, 1 дл вода и прстофат сол.
2. Замесете тесто и оформете го во топка. Покријте го со крпа и оставете го да стаса еден час.
3. По еден час замесете го тестото повторно со 3 лажици масло. Покријте го и оставете го да стаса уште еден час.
4. Во меѓувреме исечете го кромидот на тенки парчиња и пропржете го на путерот. Додајте сол и бибер по вкус и пржете на тивко околу 20 минути (додајте по потреба зовриена вода).
5. Тестото растегнете го со рацете во еден плех, со тоа што краевите малку ќе ги задебелите.
6. Врз фокачата ставете го пржениот црвен кромид, додајте кашкавал исечкен на коцки и одозгора наросете шеќер. Оставете ја фокачата да отстои уште еден час.
7. Потоа печете ја во загреана рерна на 180 степени околу 25-30 минути. Сервирајте ја топла.