За подготовка на овој рецепт се потребни помалку од 250 минути

1. Говедскиот јазик измијте го со топла вода, а потоа ставете го да се вари во посолена вода. Јазикот се вари 3 часа во тенџере покриено со капак.
2. Во меѓувреме потопете го сувиот кромид 15-тина минути во топла вода и исцедете го со цедалка (1 кг сув кромид заменува 9 кг свеж).
3. Исечкајте ги сланината и морковите на коцки и пропржете ги во друго тенџере со масло, а потоа додајте го кромидот.
4. Кога јазикот ќе се свари, извадете го од тенџерето, излупете го и оставете го во чинија настрана, а во водата во која се вареше додајте 1 коцка за супа и варете ја со покриен капак.
5. Во тенџерето со сланината, додајте 3 лажици брашно, малку масло и додајте го варениот говедски јазик.
6. Убаво промешајте, додајте црвено вино, готовата супа од другото тенџере, 2 лажици вегета, сол, 1 лажица доматен сос, бибер и оставете да се вари.
7. Потоа извадете го јазикот од тенџерето и оставете го настрана, а во тенџерето додајте црно и бело суво грозје, сечкани бадеми и павлака. Промешајте и варете уште неколку минути.
8. Сварете ориз и ставете го во чинија за сервирање. Врз чинијата со ориз во средината ставете го говедскиот јазик кој претходно ќе го исечете на парчиња со дебелина од 2 см.
9. На крај со црпалка прелијте од претходно подготвениот сос од тенџерето. Декорирајте со бадеми и китка магдонос.