За овој рецепт се потребни помалку од 40 минути

1. Коцката за супа ставете ја да се вари во тенџере со зовриена вода на оган.
2. Лентите чадена сланина исечкајте ги на ситни коцки и пржете ги на загреано масло во друго тенџере на оган.
3. Испржената сланина ставете ја на чинија обложена со хартија.
4. Главицата кромид ситно исечкајте ја и пржете ја во преостанатото масло каде што ја пржевте сланината.
5. Компирите излупете ги и исечкајте ги на ситни коцки, па додајте ги во тенџерето со омекнатиот кромид.
6. Додајте ги темјанот и супата од коцка.
7. Откако компирите ќе се сварат, тргнете го тенџерето од оган и содржината во тенџерето исмиксирајте ја со рачен миксер или во блендер.
8. Додајте ги млекото и киселата павлака, зачинете со сол и бибер и повторно измиксирајте.
9. Чорбата сервирајте ја со пржената сланина и парчиња млад кромид. Може по желба одозгора да изрендате кашкавал или пармезан.