За овој рецепт се потребни помалку од 210 минути

1. Во брашното се прави вдлабнатина, се става путерот исечен на парчиња и со раце се меша од брашното кон путерот.
2. Се додава солта со вода и се замесува тесто кое треба да биде сипкаво. Убаво се замесува, се остава да постои околу 10тина минути на собна температура и повторно се меси.
3. Се прави топка, се витка во чиста крпа и се држи околу три часа на студено место.
4. По изминатото време, тестото се тенчи и се пренесува во помачкана тркалезна тава за печење и се боцка со вилушка.
5. Се пече на умерено загреана рерна околу 220 степени околу половина час.
6. Печената кора се вади на чинија, па кога ќе се олади се редат тркалцата од ананас, се премачкува со мармалад изматен со рум и се украсува повторно со ананас.