За овој рецепт се потребни помалку од 60 минути

1. Прво се подготвува филот: младиот кромид се сечка, се вари и се цеди од водата, потоа во него се додаваат 2 јајца, сол, 2 лажици масло и 1 лажиче брашно.
2. Се замесува тесто и се дели на 8 топчиња.
3. Од секое топче се сука тенка кора и се остава на чаршав да се посуши. Истото се повторува со сите кори.
4. Се зема првата кора, се прска со масло, се превиткува на половина и пак се мрси. На полукругот се става од филот, се витка во ролна, а ролната во круг и се става во тавче број 34. Постапката е иста за сите кори.
5. Се пече веднаш во загреана рерна на 250 степени, 5 минути. Потоа температурата се намалува на 200 степени и се пече 30 минути да зарумени.
6. Изладената пита се попрскува со ладна вода и се покрива со крпа да омекне.