За овој рецепт се потребни помалку од 35 минути

1. Маслинките исечкајте ги на коцки. Магдоносот и лукот исчистете ги и ситно исечкајте ги.
2. Сирењето изронете го и измешајте го со претходно подготвените состојки во еден сад. Додајте ги и претходно варените, исечкани јајца, малку сол и црвен пипер.
3. Корите исечете ги на 12 правоаголници со димензии 20х10 см. Попрскајте ги со малку ладна вода и на основата на секој ставете по една лажица од смесата. Потоа завиткајте ги корите така што ќе добиете триаголници. Рабовите притиснете ги со прстите.
4. Пржете 3-4 триаголници одеднаш во железна тава со поголемо количество загреано масло, 15 секунди од секоја страна. Вадете ги врз салфета и сервирајте ги со лимон исечен на тенки парчиња.