За овој рецепт се потребни помалку од 45 минути

1. Исчистете ја рибата (белвица) без да ги вадите крлушките. Засечете ја на стомакот, исчистете ја, измијте ја и избришете ја.
2. Потоа наполнете ја со излупениот лук, морковот и целерот, сите исечкани на парчиња, со ароматичните тревки и со лимонот исечен на парчиња.
3. Премачкајте ја рибата со масло и зачинете ја со бибер.
4. Прекријте еден плех со алуминиумска фолија, па врз неа ставете масна хартија. Врз неа ставете еден слој сол со дебелина од 1 см и дајте ѝ овална форма.
5. Врз солта ставете ја рибата, покријте ја со останатата сол, попрскајте ја со малку вода и добро притиснете ја.
6. Печете ја 30 минути во загреана рерна на 220°C.