За овој рецепт се потребни помалку од 60 минути

1. Тиквичките измијте ги и исечете ги на тенки листови по должина. Посолете ги и оставете ги да пуштат вода.
2. Потоа исцедете ги, извалкајте ги во брашно, па во посолени изматени јајца и пржете ги на врело масло.
3. Пиперките испечете ги, излупете ги и исечете ги на коцки.
4. Шунката исто така исечете ја на коцки или на тенки ленти.
5. Соединете го иситнетото сирење со пиперките и шунката, посолете по вкус, додајте ги зачините и промешајте.
6. Тиквичките премачкајте ги со филот и свиткајте ги во ролнички, прицврстете ги со чепкалки, па послужете ги во чинија.