За овој рецепт се потребни помалку од 120 минути

1. Квасецот, солта, шеќерот и една лажица брашнот се мешаат со малку топло млеко и се остава квасецот да нарасне.
2. Брашното се меша со печивото и во него се додава нараснатиот квасец, јајцето, маслото и топлото млеко. Се меси меко тесто и се остава кратко да нарасне (околу 20 минути).
3. Тестото се дели на три топчиња и секое топче се расукува во правоаголник. Секоја кора се посипува со рендан маргарин и дробено сирење.
4. Се витка во ролат, потоа сите три се плетат во плетенка.
5. Калапот за куглов се мачка со маргарин и се витка плетенката во круг, па се остава да нарасне во калапот околу 45 минути.
6. Потоа се премачкува со јајце и се пече на 200 степени, 45 минути.