За овој рецепт се потребни помалку од 90 минути

1. Ставете го квасецот со шеќерот, 2 лажици брашно, малку сол и млака вода да стаса.
2. Потоа во голем сад ставете го млекото (или може вода), додајте го стасаниот квасец и промешајте. Почнете да додавате од брашното и месете додека да добиете средно меко тесто. Оставете го да стаса 30 минути.
3. Од тестото развлечете кора, па премачкајте ја со маргарин и почнете да ја виткате да добиете коцка. Секој дел мачкајте го со маргарин. Оставете да стои во фрижидер. Потоа повторете ја постапката уште еднаш.
4. Потоа расукајте голема кора и обликувајте ја погачата по желба. Ставете ја во висок подмачкан сад и оставете да стаса.
5. Пред печење намачкајте ја со матена жолчка, посипете сусам и печете додека да добие убава златнокафена боја.