За овој рецепт се потребни помалку од 50 минути

1. Зелјето се мие, се сечка и се посолува.
2. Се замесува тестото на следниот начин: ставаме брашно во сад, правиме длабнатина во средината, ги додаваме солта и маслото и замесуваме со постепено додавање на млака вода.
3. Тестото го делиме на 15 еднакви топчиња. Сите поединечно ги расукуваме по малку. Редиме 8 едно врз друго, додавајќи масло на секое. Ги расукуваме сите 8 заедно, во големина на тепсијата и ги редиме во неа.
4. Го додаваме приготвеното зелје, а врз него ги ставаме седумте расукани кори. На крај го плетеме зелникот да се затвори.
5. Печеме во загреана рерна на 250°C околу 5 минути, па ја намалуваме температурата на 200°C и печеме уште 15 минути.
6. Готовиот зелник е нараснат, го покриваме со крпа за да спадне и по 10 минути јадењето е готово.