Овој рецепт се подготвува за помалку од 40 минути

1. Во нелепливо тавче се пропржува кромидот без додавање на масло, додека малку не добие кафеава боја. Ако има потреба се додава малку вода.
2. Во друг сад се ставаат ловоровиот лист, мајчината душица и овесните снегулки, и се комбинираат со пет чаши вода.
3. Се додава и кромидот и сето тоа се загрева до вриење, а потоа се намалува температурата и се вари 10 минути, или додека овесот омекне.
4. Во меѓувреме во посебно тенџере се пржат печурките со малку сол, без додавање на вода. Печурките ќе пуштат самите вода и така треба да се пржат додека таа вода не испари.
5. Кога овесот ќе омекне, целата смеса во тенџерето се блендира со блендер и се враќа во тенџерето.
6. Се додаваат печурките, соја сосот, сушените домати, малку морска сол, мелен црн пипер и уште малку се проврива.
7. На крајот, се служи топло.