За овој рецепт се потребни помалку од 70 минути

1. Наутот оставете го да отстои во ладна вода, најдобро преку ноќ.
2. Утредента варете го во тенџере со вода на оган 40 минути.
3. Откако ќе се излади, наутот се блендира со сечканиот лук и кромидот.
4. Потоа во блендерот се додаваат останатите состојки (освен јогуртот, таанот, лук во прав и 1/2 лимон од кои се прави сосот) и се блендира додека се добие компактна смеса.
5. Се прават топчиња со големина на орев, па се ставаат во подмачкано тавче за мафини. Се премачкуваат со масло.
6. Фалафел ќофтињата се печат 25 минути во рерна на 200 степени. Потребно е еднаш да се свртата во текот на печењето.
7. Во друг сад измешајте 2 лажици јогурт, 2 лажици таан, сок од 1/2 лимон, сол, бибер и лук во прав по вкус. Со сосот послужете ги печените ќофтиња.