За овој рецепт се потребни помалку од 40 минути

1. Пиперките печете ги во рерна на 200 степени додека убаво омекнат и се испечат, а потоа топли ставете ги во најлонско ќесе и затворете. Така полесно ќе ги излупите и исчистите од семките и дршките.
2. Гранчињата целер и чешнето лук сечкајте ги на парчиња и ставете ги во блендер со туната и маслинките без семки.
3. Смесата ставете ја во длабок сад и зачинете ја со бибер.
4. Додајте во садот и цеден лимон, 2 лажици маслиново масло и сечкан магдонос и мешајте со лажица.
5. Печените и исчистени пиперки исечете ги на 4 парчиња по должина. На поширокиот крај од секое парче пиперка ставете од филот и свиткајте во ролат.
6. Ролатчињата ставете ги 1 час во фрижидер пред послужување.