За овој рецепт се потребни помалку од 90 минути

1. Убаво исчистете го крапот одвнатре и извадете му ги крлушките. Засечете го на оддалеченост од 1 сантиметар, посолете го и посипете го со мелен сув зачин.
2. Вака подготвениот крап оставете го да отстои половина час на собна температура.
3. Во меѓувреме исечкајте ги лукот, магдоносот и морковот.
4. Рибата полејте ја со сок од лимон и одвнатре премачкајте ја со маслиново масло. Почнете да ја полните рибата, прво со половина од подготвениот магдонос, па лукот, кората од лимон, морковот и на крај завршувате со остатокот од магдоносот.
5. Засеците затворете ги со чепкалки за заби.
6. Рибата ставете ја во тава за печење која претходно сте ја премачкале со масло.
7. Полијте ја со виното и одозгора посипете ја со мелена црвена пиперка.
8. Тавата одозгора покријте ја со фолија и ставете ја да се пече во претходно загреана рерна на 250°C околу 1 час. Потоа извадете ја фолијата и допечете ја рибата уште 15-тина минути.