Овој рецепт се подготвува за помалку од 40 минути

1. Во длабок сад со жица матиме 3 јајца. Посолуваме, наросуваме мелен бибер и промешуваме.
2. Во тава на оган ставаме масло и 35 г путер. На загреаната мрснотија ги пржиме изматените јајца. Ја вадиме кајганата од тава.
3. Шампињоните ги сечкаме на листови и ги пржиме на преостанатата мрснотија во тавата. Посолуваме и промешуваме.
4. И испржените шампињони ги вадиме од тавата. Кајганата и шампињоните ситно ги сечкаме, Ги ставаме во длабок сад.
5. Кишката леб ја преливаме со млекото. Откако ќе омекне го цедиме лебот во цедалка. Исцедениот леб го додаваме во садот со печурките и кајганата. Додаваме 2 лажици лебни трошки и преостанатото јајце. Мешаме со лажица додека смесата не се соедини.
6. Од смесата ги формираме шницлите и ги облепуваме со преостанатите лебни трошки.
7. Во тава на оган ставаме масло и преостанатите 35 г путер. На загреаната мрснотија ги пржиме шницлите додека не поруменат од двете страни.