За овој рецепт се потребни помалку од 50 минути

1. Свежите школки се ставаат во голем сад со вода, потоа се чистат однадвор (тврдиот дел) со стругање.
2. Откако ќе се исчистат, се ставаат во сад со солена вода и се оставаат 20 минути да отстојат за да се отворат.
3. Во меѓувреме еден литар вода се става во тенџере да врие, па се додаваат две коцки за супа, ситно исечкани чешниња лук, малку изронета сува пиперка или лут буковец и малку бело вино.
4. Откако тоа ќе зоврие, се додаваат школките и се варат на тивок оган околу 10-15 минути, потоа се додава свежо мелен црн пипер.
5. Се сервира во чинија, а супата се јаде со отварање на школките и со јадење на внатрешниот дел.