Овој рецепт се подготвува за помалку од 300 минути

1. Во длабок сад се мешаат сите состојки освен чоколадниот крем, маргаринот и јајцето. Се замесува тесто, се покрива со фолија и се остава во фрижидер околу 2 часа.
2. Маргаринот се става помеѓу две парчиња проѕирна фолија, се расукува со сукало да се добие плочка.
3. Тестото се вади од фрижидер по 2 часа, се расукува во лента со висина колку што е висината на плочката маргарин, а со три пати поголема ширина.
4. Плочката маргарин се става во средината на лентата тесто, потоа се преклопува со тесто и од едната и од другата страна да се добие форма на писмо. Пак се расукува во лента, се преклопува уште три пати, се става во фолија и во фрижидер да отстои уште 20 минути.
5. Тестото се вади од фрижидер, се расукува и се преклопува два пати и пак се остава да отстои уште 20 минути во фрижидер.
6. Потоа, тестото се расукува во правоаголна форма со дебелина од 5 мм, со нож се пресекува хоризонтално на две ленти од кои се сечат триаголници. На секој триаголник се става по една лажичка нутела крем и се витка како кроасан.
7. Кроасаните се редат во правоаголен плех обложен со хартија за печење, се оставаат да отстојат 90 минути. Пред да се стават во рерна се премачкуваат со претходно изматено јајце.
8. Се печат на температура од 200 степени околу 20 минути. Се декорираат по сопствена желба и се сервираат.