За овој рецепт се потребни помалку од 45 минути

1. Сувите смокви и оревите се сечкаат, а јаболките се рендаат .
2. Во тенџере на оган се става 300 г шеќер да се растопи во карамел. Потоа се додаваат ренданите јаболки и се меша за да испари водата што ќе ја пуштат јаболките.
3. На крај се додаваат смоквите, оревите и сувото грозје. Сето тоа заедно се меша и се трга настрана да се излади.
4. Се ставаат две кори напрскани со масло една врз друга. Во почетокот на кората се става од филот и се витка баклава во ролна. Откако ќе се потрошат сите кори, се редат во правоаголно тавче бр. 40, претходно премачкано со масло или маргарин.
5. Пред да се стави да се пече, баклавата треба да се исече. Потоа се пече на 150-180 степени додека да зарумени.
6. Шербетот се прави од 700 грама шеќер и вода колку да го прелие шеќерот во тенџерето. Сирупот се вари 3-4 минути, па се цеди еден лимон и со него се попарува баклавата.