За овој рецепт се потребни помалку од 40 минути

1. Во тенџере се става 1,5 л вода да зоврие.
2. Шампињоните се сечат на мали ливчиња, компирот на четвртинки, морковот на тенки полумесечинки, па заедно со лукот и грашакот се додаваат во зовриената вода.
3. Се зачинува по вкус со сол, бибер и малку масло и се остава да се вари на тивок оган 15 минути.
4. Тиквичката се сече на тенки ленти и магдоносот ситно се сечка.
5. По 15 минути сварените состојки со малку од течноста во која се вареле се блендираат со рачен миксер или дел по дел во блендер, па се враќаат назад во тенџерето.
6. Се додаваат тиквичката и магдоносот и се вари чорбата уште 5 минути.