За овој рецепт се потребни помалку од 30 минути

1. Исчистете ја зелката, отстранете ги жилите, измијте ги листовите и исечете ги на резанки. Половина од резанките оставете ги настрана.
2. Кромидот излупете го и исечкајте го, па пржете го на 3 лажици загреано масло со малку ким.
3. Откако кромидот ќе омекне, додајте 200 г зелка и малку сол, па поклопете ја тавата и пржете ја 5 минути на силен оган.
4. Зрната од соја сварете ги во вода да омекнат, па исцедете ги и испасирајте ги со вилушка. Додајте ги на варената зелка заедно со издробениот леб (средината на лебот без корки), половина од брашното и сол. Добро промешајте.
5. Со набрашнети раце од смесата направете повеќе ќофтиња со големина на орев. Ставете ги врз плех прекриен со масна хартија, полијте ги со масло и печете ги на 220 степени 10 минути.
6. Готовите крокети сервирајте ги со зелката која ја оставивте настрана, зачинета со масло, оцет и сол.