За овој рецепт се потребни помалку од 50 минути

1. Компирот излупете го и исечкајте го на коцки, тиквичката, доматот и модриот патлиџан измијте ги и исечкајте ги и нив на коцки, а пиперката исчистете ја од семки и дршки и исечкајте ја на покрупни парчиња.
2. Исечкајте го кромидот и пропржете го во округло тавче на загреано масло со лажичка црвен пипер.
3. Откако добро ќе омекне, додајте ги исечканите пиперки и пропржете ги.
4. Потоа откако добро ќе омекнат и тие, додајте го оризот и пржете го со постојано мешање да не се залепи. Додајте го и компирот.
5. Откако добро ќе омекнат и ќе се соединат состојките, додајте ги на крај тиквичката, модриот патлиџан, па по неколку минути и доматите.
6. Сето тоа убаво мешајте го и пржете додека омекне и се соедини. Зачинете со сечкан магдонос, вегета, бибер и полијте вода колку да се покрие содржината во тавата.
7. Печете во рерна додека водата испари и зеленчуците убаво се потпечат.