За овој рецепт се потребни помалку од 30 минути

1. Кромидот се лупи и се реди во тенџере. Се налева вода убаво да ги покрие главиците кромид, се посолува и се остава на оган да зоврие. Кога ќе зоврие, се вари неколку минути за да омекне кромидот, па се трга од оган и се остава да се излади.
2. На секоја главица кромид и се отсекува капакот од страната на стебленцето. Со помош на лажица се отстранува внатрешноста на кромидот, внимавајќи да останат три слоја во секоја главица.
3. Пиперките се мијат и се сечат на ситни коцкички, па се пропржуваат на малку масло колку да омекнат.
4. Фета сирењето се сече на коцки.
5. Тиквичката се става во тенџере, се прелива со вода, се посолува и се остава на оган да зоврие. Кога ќе зоврие, се остава да врие 3 минути, па се трга од оган. Откако ќе се излади, се сече на коцкички.
6. Зачините се мешаат со лимонов сок, па се преливаат врз пиперките. Се додаваат тиквичката и сирењето и внимателно се меша.
7. Со смесата се полнат главиците кромид и се преливаат со малку маслиново масло. Се декорираат по желба.