За подготовка на овој рецепт се потребни помалку од 60 минути

1. Путерот, шеќерот во прав и јајцата се матат пенасто. Постепено се додаваат гризот, прашакот за печиво, содата бикарбона, ванилиниот шеќер, брашното и 1 лажица сок од лимон.
2. Се замесува мазно тесто, а потоа се одделуваат помали топчиња со тркалезна форма.
3. Обликуваните топчиња се редат во намастен плех, се премачкуваат со изматена жолчка и во средината се става бадемче, лешник или орев.
4. Се печат во загреана рерна на 190°C додека заруменат.
5. Во меѓувреме се подготвува шербетот: шеќерот и водата се загреваат на тивок оган во тенџере, па кога шеќерот ќе се растопи, се вари уште 5-10 минути. Се додава уште малку цеден сок од лимон и се остава малку да се олади.
6. Готовите шеќерпари се вадат од рерна и се преливаат со млак шербет. Се поклопуваат и се оставаат да отстојат до утредента.