За овој рецепт се потребни помалку од 40 минути

1. Исечете ја капата на доматот и тргнете ја настрана. Доматот издлабете го и превртете го, па оставете го да се исцеди 10-тина минути. Исечкајте го внатрешниот дел на доматот што го издлабивте и тргнете го во чинија настрана.
2. Во една тава на силен оган загрејте масло и пропржете го исечканиот кромид.
3. Потоа додајте го издлабениот дел од доматот и концентратот од домати. Гответе додека сосот се згусне, па при крај на пржењето додајте го исечканиот магдонос и ориганото.
4. Во друга тава загрејте масло и пропржете го целото чешне лук додека пушти мирис и добие боја, па додајте го оризот и пржете го со постојано мешање 2-3 минути.
5. Потоа кога оризот убаво ќе се пропржи, постепено додавајте ја зеленчуковата супа. Чекајте да зоврие, па додајте ја смесата со домати и посолете по вкус.
6. Издлабените домати наредете ги врз намастена тава, наполнете ги со оризот и одозгора поклопете ги со капата.
7. Печете ги доматите 20-30 минути во загреана рерна на 200°C.