Овој рецепт се подготвува за помалку од 60 минути

1. Во тенџере со солена вода сварете кускус (или јачмен) и процедете го, но не ја фрлајте водата.
2. Исчистете го кељот и отстранете го дебелиот дел кај дршката и ставете го многу кратко да се вари во солената вода колку да омекне и потоа ставете го настрана.
3. Исечете ја мускатната тиква, морковот, целерот, магдоносот, лукот, кромидот, зелената пиперка и ставете ги во водата малку да се продинстаат колку да омекнат, па потоа испасирајте ги.
4. Измешајте го кускусот со издинстаниот зеленчук, додајте јајце и сол и бибер по вкус. Од така добиената смеса, ставете врз листовите кељ и замотајте сарми.
5. Наредете ги сармите во огноотпорен сад и додајте им одозгора од смесата со кускус и зеленчук, доколку уште има останато. Додајте малку вода и 1 децилитар бело вино, ставете масло за готвење и ставете ги да се печат во загреана рерна на 180°C од 30 – 40 минути. По желба, може да наросите со кашкавал одозгора додека се печат сармите.